أحتمال أقرفكم يومياً .. وده طبعاً حسب المود !
جزء من قصيدة " كان صديقي "
-------------------------------
هي التقتني.. وقد شحبت ملامحها
وكما يذوب الشمع في النارِ كان اسمه لو مرّ يجرحها
مسكت يدي وبكت كإعصار..
هو الذي دمّر أحلامي.. هو الذي أمطرني همّا
لكنني أوصيك خيراً به.. كأنني صرت له أماً
بالله هل لا زال مضطرباً..
أخشى عليه نوبة اليأس
إحساسه العالي سيقتله.. خوفي عليه لا على نفسي !
" مش عارف في حاجه بتشدني للقصائد اللي بيغنيها كاظم الساهر ! "
. . . .
.
.
أسعد الله مسائكم .. ونبتدي النشرة بدون عناوين ؛)
النهردة للأسف .. قابلت واحد مستفز جداً
نوع من الناس اللي محدش بيحب قعدته أصلاً
أقولكم ليه ؟؟ .. لسانه لا يخلوا من النميمة ..
مورهوش حاجه غير يجيب في سيرة دي عملت كذا ودي سوت كذا !
يعني مش خايف علي نفسه من الحساب .. يخاف على أهل بيته !
عن نفسي لقيته ناوي يبتدي كلام .. فـ أستأذنت ... مش ناقصه فقع مرارة
بس كان نفسي أقوله حاجه
" اللي بيته من أزاز ميحدفش الناس بالطوب وإلا يتعور في الآخر "
. . . .
.
.
مهرجان الفتاوي
في الوقت الحالي كل اللي عايز يفتي بيفتي ..
مولد وصاحبه غايب ..
بس ياتري العيب في المفتي ولا المستفتي
لا .. مش المفتي !
العيب في المستفتي .. جبنا ناس ولبسناهم العمة والجلبية
و أفتينا يا شيخ .. !
أفتكرت مشركين العرب .. كانوا يصنعون تمثال العجوى .. ثم يعبدوه :D
منطق غريب .. تجيب شخص عادي وتعممه .. وبعدين تنتقد الفتوى
طيب ما أنت اللي عملت كدا .. فلا تلومن إلا نفسك
" مهرجان الفتاوى .. مولد وصاحبه غايب "
. . . .
.
.
أحدهم كان يتكلم معى عن أن البنوك حرام ..
يابني يعني إيه البنوك حرام ؟!
مالها حرام .. كلها ربا ..
طيب في بنوك إسلامية .. بتشتغل طبقاً للشرع ومش مخالفه ..
لا .. كله ربا .. يابني يرضيك يهديك .. لا هيا ربا .. وأشرحله الفرق بين البنوك العادية والإسلامية ..
لا هيا ربا .. مش عايز يفهم .. خلاص ربنا يعفرتك :)
" نقول طور .. يقول أحلبوه هيجيب ! "
. . . .
.
.
صدق أبو الليف حينما قال " خد بالك من صنف الحريم "
أحد الأصدقاء .. أتجن وراح أتجوز منذ أقل من شهر ..
جاء لينصحني .. فبداية كلامه قالي انا بعد ساعتين جواز ..
كنت بكلم نفسي أنا إيه اللي جنني .. وخلاني أتجوز .. كنت حر وعايش حياتي من غير وجع الدماغ ده :)
راح أشترى تليفون جديد .. طبعا المدام مهنتهوش عليه .. وعلقته منه ..
وفي النزلة والطلعه .. انت رايح فين يا حبيبي ؟ .. كنت فين يا نور عيوني ؟
طبعا .. بوسه من هنا .. مع " شمة " .. وبوسة من هنا مع " شمة "
أنا داخل أغير .. معاك فلوس يا حبيبي .. أيوه .. معاك كام ؟
معايا كذا .. أيه ده أنت صرفت الفلوس اللي كانت معاك ف إيه ؟!
الله يخربيت الجواز ..
" طبعاً ده من أول شهر "
تحياتي لأي مجنون .. أنتم السابقون ونحن إن شاء الله بكم لاحقون
" للأسف صديقي .. نسي يدبح القطه .. فأدبح هو " :D:D
. . . .
.
.
تصبحوا ... على غسيل وشكوا
وأنت من أهل الغسيل ..
السلام عليكم ورحمة الله وبركاته
ردحذفبالفعل كلامات جميلة ....روعة في التعبير ما شاء الله
متمنياتي لك بالتوفيق و العطاء الجميل...دائما في تألق.أخوكـــ محمد