كلمة ونـــص 7

مقدمة غير كل المقدمات  .. وكلام غير أي كلام  .. 

بس  هنبتدي برده بعمنا صلاح جاهين " جَاهينيّات "

--------------------------------------------------

أنا كل يوم أسمع .. فلان عذبوه

أسرح ف بغداد والجزاير واتوه

ما أعجبش م اللي يطيق بجسمه العذاب

وأعجب من اللي يطيق يعذب أخوه

عجبي!!

. . . . 

.

.

من فترة طويله وأنا نفسي أتكلم عن أدب الحوار والأختلاف .. 

بس قابلت  موضوع .. من فترة ليست بالبعيدة ..  فكان لازم أتكلم عنه النهرده  

عن نفسي بحاول أعمل بأدب الحوار  على قد ما أقدر .. بس طبعا في حاجات ممكن تستفزني في الحوار .

فطبيعي بخرج عن شعوري .. بس المهم  أننا نعتذر .. ونحترم المخالف .. لاسيما إذا كان الموضوع اللي بنتكلم فيه 

يسعنا فيه الخلاف . 

أنا هعدد الآداب بأسلوبي أنا .. واللي أتعلمته من أستاذي .. ربنا يديله الصحة  :)  

طبعا انا لما بدخل حوار .. أهم حاجه أني أتوصل للحق والصح .. مش داخل أتحاور .. لمجرد الجدال العقيم  .. 

أو أني أوصل للأنتصار  وخلاص ..  كما قال الشيخ سلمان العودة  "الحوار أقوى من الكلاشينكوف " 

يبقا أول حاجه  1 -  إضهار الحق .. ومحاولة إقناع المخالف  .. أو أقتناعي .. أذا كان الموضوع يسعنا الخلاف فيه وليس قضية حق وباطل 

ولازم نجدد النية أني مش داخل أعرف الناس أنا واد جامد ..  وأكابر في الحق .. لأنتصر لنفسي 

يبقا تاني حاجه 2- النية الصالحه 

ولازم نحترم المخالف .. مهما كان قدره ... طالما لم يتجاوز معي حدود الأدب ..  عدم التسفيه من رأيه .. 

يبقا تالت حاجه 3 - أحترام المخالف .. 

بعض ناس بيحب يهول في المواضيع .. يديها أكبر من حجمها .. ويحمل كلامك مالا تعنيه .. يعني أنت تقول كلمة تقصد

بيها شىء .. ويفهمها هو بطريقته ويلزمك بفهمه .. مع أنك وضحتله المقصود من كلامك !  . لا أنت تقصد كدا !! 

يبقا رابع حاجه  4 - عدم التهويل من مقاله الآخر .. وفهمها على مراده .  

البعض يخرج عن مجال النقاش .. ويتهم الآخر بأفعاله !! .  يعني ممكن يقولك ده جاهل  !  .. وأنت أجهل منه لأنك تحاور جاهل  :)  قديما كانوا بيقولوا " لكل داء دواء إلا الحمق أعيا من يداويه "  

يبقا خامس حاجه 5 - عدم الأعتداء ع الطرف الآخر بالسب  والتجريح الشخصي ! 

وفي حاجه كمان كتير بيقع فيها .. أنه يدخل يتكلم مع واحد .. يقوله اللي أنت بتعمله ده حرام ربنا هيعقبك  

وهتروح النار بسبب الذنب ده  ...  ممكن أنسان يتقبل الكلام ده وأنسان  لا يتقبله وبعد كدا يقع في أخطر من كدا 

يبقا سادس حاجه 6-  مراعاة المصالح الشرعية في الإنكار .. 

بعض الأخوة اللي موجودين ع الفيس بوك هنا مشهورين بالحوار الأسلامي المسيحي .. كتير منهم  وللأسف  

معتقد أنه بيخدم الإسلام .. وللأسف هو أكبر ضرر عليه .. يجيب واحد مسيحي عايز يقنعه بالعافيه .. كتابك بيقول .. 

و يفضل يجيبله صور .. لاداعي من عرضها أصلا .. بتعليقات مستفزة  ... وشنودة بيقول .. ومش عارف أيه .. 

فخلاص  الموضوع ده هيقلب مع المسيحي بعند .. ومش هيقتنع .. ده غير أن الأخوة  .. عايز ينتصر

وخلاص .. طيب أنت بتحاور  ليه .. مش عشان تهدي الناس للحق .. وللأسف الموضوع بينتهي بشتايم وقلت أدب .. وخلاص  !! 

بصراحه مش عايز أطول أكتر من كدا .. لاني لو أتكلمت في الموضوع ده هفتح ع الرابع وهتزهقوا مني 

" حوار الطرشان "  -  " جدل بيزنطي " 

. . . .

.

.

واحد حلو وملزق كاد أن يصل إلي درجة اللزج في جريدة اليوم السابع 

يدعى هشام الصادق يكتب: إلى مواليد التسعينيات من أبناء الفيس بوك.. عيشوا عيشة أهاليكم شوية

وعمال يجيب  من أيام السبعينات .. ويحكي .. أبوك كان بيعمل وأمك كانت بتعمل كذا ..  وكانت أنواع الصابونه كذا

في التمنينات .. يعني بيقول أن العصر الرئيس مبارك أزهي العصور .. هو فعلا أزهي العصور .. ولكن في الأستبداد

والأستعباد  :) 

أحب أقول للكاتب ياريتها كانت جابت تمرجي ..  :)  

بيقارن  مابين  20 سنه فاتت  والعصر الحالي .. طيب ما نخرج من المقارنه العقيمة دي .. 

ونقارن مابيننا وبين رعاة الغنم في الدول العربيه الآن .. ولا أقولك  نقارن مابيننا وبين قبائل البربر 

مش هطول كتير .. بس روح البيت ..  موت خميس وجمعه و تصبح يوم السبت ..

تقولها غطيني وصوتي ياما أنا بقيت صينية :P 

الصين أحتلت البلد  .. ياريت نشوف الصين كانت فين وبقيت فين .. 

وأحنا كنا فين وبقينا فين  ؟! . 

طبعا ده المقال  بتاع اليوم السابع عشان اللي يحب يقراه 

 هشام الصادق يكتب: إلى مواليد التسعينيات من أبناء الفيس بوك.. عيشوا عيشة أهاليكم شوية

آه يا قلبي يا كتاكت ياما أنت مليان وساكت ..

. . . .

.

.

للأسف سعات الواحد بيعامل ناس بأسلوب كويس .. وبيندم 

بس مش مشكله أدينا بنتعلم  ..  :(

مقصدش بيها حد من أخواننا الأفاضل اللي موجودين ع الفيس بوك  

للأسف معارف شخصيين .. 

واحد حبيبي أسمه أحمد حسين كان ديماً يقولي كن أنت .. 

ربنا يعلم الكلمة دي فادتني كتير أووي .. ولسه بستفيد منها للوقت الحالي .

. . . .

.

.

للأسف مش هقدر أكمل زيادة عن كدا في النوت ده  :(  

 نكمل بكرا إن شاء الله  

. . . . 

.

.

تصبحوا على حياة طيبة  

وأنت من أهل تلك الحياة  

كلمة ونـــص 6

يا مساء البطاطا .. المسكرة :)؛) 

قول يا عم قول .. قول من كلام عمنا صلاح جاهين ! 

-----------------------------------------------

النور ملو الشوارع

و مليون راديو والع

الساعة اتنين صباحا

لكن إيه الموانع ! ..

الخلق رايحة جايه

و الدنيا لسه حيه

مليانه بالهأَو أَو

و زعيق القهوجية

واحد يقول لواحد :

خليك يا عم قاعد

التانى يقول له :

شكرا

ده انا م المغرب مواعد

فيه سهره لسه عندى

فى بيت فلان افندى

ح ناكل حاجة حلوه

و نشرب تمر هندى

" وهى دي مصر .. بجمالها " 

. . . . 

.

.

درس خصوصي .. مش عارف الناس هتلاقيها منين ولا منين .. 

أدوية غاليه .. أكل غالي .. كل حاجه غاليه  .. 

بس اللي أفهمه أن الأنسان بيحس بالأنسان ! 

ليه مدرسين اليومين دول  ..  معندهمش أحساس .. " إلا القليل " 

لما كنت في ثانوية عامية كنت أكتر حاجه بدفعا في درس خصوصي 50 جنية 

دلوقتي واحد بيقول مدرسة طالبه تاخد 180 جنية في الشهر  لتلميذ أبتدائي ! 

مش عارف ده طمع ولا جشع ..  ولا أسميه إيه ؟  !! 

مهو برده العيب مش في الحكومة كله .. بس العيب فينا :( 

لو عندنا رضا بالقليل ربنا هيغنينا .. بس الطمع اللي مش بيغني حد ! 

مش عارف 180 جنية ده درس خصوصي .. ولا ليلة خصوصي !!  

. . . .

.

.

السيد اللواء محافظ الأسكندرية .. الشهير برصيف 

خربها وقعد على تلها من فوق يشم هوا أسكندرية 

الشوارع كلها خربت  أكترها مليانه  أعمال حفر 

طبعا ده غير بعض الأراضي الزراعية اللي أتخلقت أنا على وش الدنيا

وهيا زراعية ..سيادته بورها  .. و حط يافطه مكتوب عليها ملك ضباط شرطة كفر الشيخ !!

والبعض أقترح عليه أن يأخذ 200 فدان في وادي مريوط  تُبني وحدات سكنية للشباب عن طريق رجال الأعمال 

علي أن يأخذوا نصف الأرض بسعر رمزي  .. ولكنه لم يفعل  !! 

مش عارف الراجل ده عايز أيه ؟ ! 

جي يخرب  أسطورة عبد السلام المحجوب في أسكندرية ولا أيه بالظبط  !! 

نفسي أقوله كلمة واحده أنت دخلت التاريخ ودائرة الكره السكندري :)  

بصراحه كان نفسي أجيب صورة اليافطه بس ملحوقة :) 

الصورة دي في سيدي بشر 

. . . .

.

.

عواجيز الفرح .. طبعاً كلنا عارفين عواجيز الفرح  

اللي مش عاجبهم حاجه خالص 

في زيهم كدا بس ع القهاوي .. قاعدين للساقطه واللاقطه 

اللي رايحة واللي جاية .. اللي نازلة من بيتها يوصلها بعنيه لآخر بصره 

ويرجع بواحده تانية يوصلها برده بنظره !! 

الناس دي محتاجين ناظر ع القهوة  يقولهم  

بص في طاولتك منك له وإلا هسحبها منك  :D:D:D 

. . . . 

.

.

أخواننا المتزوجين .. كل واحد بيدور للتاني على مشكله  

فنصيحتي للمتزوجين  ..

أبعت ماما يا حبيبي تنقيهالك على زوقها عشان متتعبش :) 

أعملها غسيل مخ .. ألعبلها البخت في دماغها  :P 

أيه ده أنتي هتحطي أيدك على خدك وتسكتي !! 

أتغدي بيه قبل ما يتعشي بيكي ؛) 

وطبعا في الليلة الكبيرة  حضر السكينة 

يا تدبحها يا تدبحك  وبكدا تعيشوا عيشه هنية :) 

. . . .

.

.

تصبحوا على حياة زوجية سعيدة 

وأنت من أهل السعادة :P 

كلمة ونـــص 5

يا مساء الخيرات ..  بدون مقدمات .. 

زي ما عمنا صلاح جاهين مكان بيقول

 --------------------------------------

إيه اللي خدتـه من مرور السـنين

  

يا قلبـي الا دمـعتك والأنـيـن

بتئن وبتفــرح وترجــع تحــن

مـع إن مـش كل البشر فرحـانين

عـجبي

. . . .

.

.

سلام عليكم .. وعليكم السلام 

أهلا .. عامل إيه ؟؟ .

تمام الحمد لله  :) 

عندك يا شيخ كتاب ( .. ) للدكتور ( ........... ) 

للأسف مش موجود .. طيب تقدر تجبهولي ..  أعرف أجيبه بس لازم  حد يشرحهولك .. 

لأن الشيخ ده عنده أخطاء في العقيدة ..  والشيخ ( ................ )  رد عليه في كتاب آخر !! 

.. عارف يا شيخ الكلام ده ..  هتجيب الكتاب ولا أخلي حد ينزله يشتريه ..  لا خلاص هجيبهولك . !!!

مش عارف .. أيه الفكر الغريب ده ..  فلان الفلاني رد علي علان العلاني في كتاب ..

وأنت أعتقدت أن الذي رد عليه رأيه صحيح .. ليه بقا عايز تلزمني  ..بفكرك ورأيك .. 

ع رأى جورج وسوف .. شىء غريب شئ عجيب !! 

. . . .

.

.

هو أحنا أمتي هنغير وجهة نظرنا عن المعاقين .. " خصوصا المعاقين ذهنيا " 

والطفل المنغولي  ...  سبحان الله بعض الناس لو وجد أحد هؤلاء يمشي وحده في الشارع 

يحرض أبنه على معاكسته !!  

راجل كبير .. وشايب وبيعمل كدا .. مش عارف هو بيعيب على أيه .. ربنا خلقه كدا .. 

نسى أن ممكن ربنا يبتليه بحد من أولاده .. أحفاده .. !! 

" أتعيب الخلقه أم تعيب خالقها " !! 

. . . .

.

 .

أخي الناخب .. أختي الناخبة  .. 

متتعبوش نفسكوا .. الأحزاب مقاطعة الأنتخابات ... الوطني تنازل للباقين عن 120 كرسي في الكلوب  

وهياخد الباقي زوق عافيه هياخد الباقي  :) 

ووفاءً بالأموات هيبقالهم صوت ...  وسلمولي علي الصلصة :) 

علي فكره أكتر الدوائر الأنتخابية في الأسكندرية نازل فيها حمل ... ناس تقال أوووي 

مابين وزراء وأصحاب مراكز .. ورجال أعمال ... 

" ضربوا الأعور على عينه قال خربانه خربانه "

. . . .

.

.

الأخوة الأعداء من الملحدين .. وأعوذ بالله من الشيطان الرجيم  

بيقولوا بنظرية النشوء والأرتقاء .. المعروفة بنظرية " دارون .. أنا ورقة " 

وبيقولوا أن الأصل كان قرد ..  عموما  .. هما بيعتقدوا أن أصلهم كان قرد .. 

أنا بعتقد أن الأصل كان سيدنا آدم  ... ومصر علي هذا  .. 

فأساسي أنا نبي .. وأساس الملحدين يهود  .. 

ذرية كتاب ابن كتاب  ؛)  " والمعني في بطن الكاتب " 

والدليل .. 

"وَلَقَدْ عَلِمْتُمْ الَّذِينَ اعْتَدَوْا مِنْكُمْ فِي السَّبْتِ فَقُلْنَا لَهُمْ كُونُوا قِرَدَةً خَاسِئِينَ " 

"فَلَمَّا عَتَوْا عَنْ مَا نُهُوا عَنْهُ قُلْنَا لَهُمْ كُونُوا قِرَدَةً خَاسِئِينَ  "

"قُلْ هَلْ أُنَبِّئُكُمْ بِشَرٍّ مِنْ ذَلِكَ مَثُوبَةً عِنْدَ اللَّهِ مَنْ لَعَنَهُ اللَّهُ وَغَضِبَ عَلَيْهِ وَجَعَلَ مِنْهُمْ الْقِرَدَةَ وَالْخَنَازِيرَ وَعَبَدَ الطَّاغُوتَ أُوْلَئِكَ شَرٌّ مَكَانًا وَأَضَلُّ عَنْ سَوَاءِ السَّبِيل " 

                                        ملحد معاصر 

                                             

                                      ملحد ماقبل المعاصره :

D:D

 ملحوظه : 

عند مسلم في كتاب " القدر " أن النبي ـ صَلّى الله عليه وسلّم ـ سُئِلَ عن القِرَدة والخنازير: هل هي ممّا مُسِخَ؟ فقال:" إنّ الله لم يُهلِكْ قومًا أو يعذِّب قومًا فيجعل لهم نَسلاً، وإن القِردة والخنازير كانوا قبل ذلك"

فالصحيح أنه لا نسل لمسخ .. .

ولكن 

لابد أنهم تناسلوا قبل المسخ .. فيستمر النسل منهم على هذا الوجه .. فيعتبرون أحفاد القردة والخنازير .. 

. . . .

.

.

تصبحوا على مخالف لكم  عاقل  

وأنت من أهل الوجود  :)