النهردة حبيت أغير شوية مش كل يوم هبتدي بقصيدة من أغاني سى كاظم الساهر يعني !
هنبتدي بحاجه لصلاح جاهين :
------------------------------
إيـديا فـي جيوبـي وقلبـي طـرب
سـارح في غربة بس مش مـغترب
وحـدي لكـن ونسـان وماشـي كده
وبـابتعد… ما أعرفش… أو باقترب
. . . .
.
.
بما أننا داخلين ع العيد وكل عام وأنتم بخير .. جميعاً
فواحد منيل كان بيتكلم معايا من كام يوم ..
لو ماشي في الشارع وواحده أستنجدت بيك من واحد بيعاكسها هتعمل إيه ؟
فرديت .. بطبيعة أي أنسان .. هساعدها طبعاً ..
قالي أنا بقا مش هساعدها .. وأنا مالي !!
طبعاً العيد داخل ... وهنسمع أخبار التحرش في كل مكان ..
من المفترض أني أسأل عن أسباب التحرش .. بس مش هسأل !
" من المفترض يكون في قانون .. كل متحرش يتم التحرش بيه "
بس نفسي أعرف أسباب اللامبالاة اللي بقينا فيها :(
واحده تستنجد بواحد .. ويقولها مليش دعوة .. بره عني !!
" يا عم طري دماغك .. وعيش !! "
. . . .
.
.
الله يـ .... رئيس الجهورية
ليه بس كدا يا عم ؟!
ده ظالم .. واللي حواليه حرامية .. و . . .و . . و ..
فين أيام سيدنا عُمر بن الخطاب .. لما دخل عليه الجندي .. فقال له
حكمت .. فعدلت .. فأمنت .. فنمت .. يا عُمر
شكرا يا عم .. أقنعتني !
ليه بقا منعملش مقارنه بين محكومين ومحكومين ؟!
إذا أردت أن يحكمك عُمر بن الخطاب .. فكن مثل الصحابة !
" فتشبهواْ إن لم تكونواْ مثلهم *** إن التشبه بالرجال فلاح "
. . . .
.
.
ماشاء الله الناس كلها بقت مهمين دلوقتي ..
كل أما واحد يشد مع واحد تاني .. يقوله متعرفش أنا مين ؟!
كل البلد بتضحك علي بعضها .. وكله عايز يشتغل كله
أنت ابن مين في مصر ؟؟ .. للأسف كله متهان ..
من الكبير ..للصغير !
على رأي توفيق الدقن
لما كل البلد عايزين يبقوا فتوات .. امال مين اللى حينضرب .....
. . . .
.
.
أحدهم ع الفيس بوك كاتب
"علمني كبريائي أن أذل من أمامي بسكوتي..بنظراتي..بإبتسامتي بدون أن أتكلم أو أنطق "
ليه كدا يابني يا حبيبي .. هما الناس عبيد عندك !
روح يا بني .. شفاك الله وعافاك ..
. . . .
.
.
هايف ... أيوه هايف صدقوني ..
النهرده واحد هايف ... بيسأل أحد المعممين عن حكم شرب القهوة .. بأعتبرها من المكيفات !
ذكروني بمن قال " قتلتم الحسين وتسألون عن ذنب الذبابة "
" هايف .. نص عاقل .. ونص "
. . . .
.
.
تصبحوا علي أمل محقق
وأنت من أهل الآمال المحققه
ليست هناك تعليقات:
إرسال تعليق