النهردة يوم غير أي يوم .. بس مش هنقول ليه .. !
خلينا مع عمنا صلاح جاهين أفضل :
----------------------------------
إقلـع غمـاك يـا تـور وارفض تلـف
إكسـر تـروس السـاقيـة واشـتم وتف
قال: بس خطوة كمان.. وخطوة كمان.
يا أوصـل نهـاية السـكة يا البير يجف
عـجبي
. . . .
.
.
أمبارح أتكلمنا عن التحرش .. بس لم أذكر أسبابه ..
البعض قال أنه بسبب لبس البنات ..
والبعض الآخر قال أنه بسبب التربيه .. أنا معاكم في الكلام ده ..
بس ده جزء بسيط من المشكله .. بس الموضوع أكبر من كده بكتير .
زمان كان البنات بتلبس لبس مشابه للبس دلوقتي .. ومكنش بيحصل الكلام ده .
أو كان بيحصل بس مش بالطريقة بتاعت دلوقتي ..
طبعا السبب في زيادة معدلات التحرش .. هو سوء الأحوال الإقتصادية في البلد ..
زمان كان الشاب يروح يتجوز .. كانت كل حاجه تعتبر رخيصة بالنسبة للوقت الحالي ..
وجزء منها ع البطالة اللي دايرة في البلد .. طبعا مع سوء التربية .. وغياب الأمن ..
طبعاً دلوقتي مفيش العسكري بتاع " هـــا مين هناك " !!
مفيش تشريع بتجريم التحرش .. ده حتي الزني لو برضى الطرفين .. عادي ..
عشان بس محدش يقول بجيب كلام من الهوا ..
المرجع قانون العقوبات مادة "267" بتقول إيه " من واقع أنثى بغير رضاها يعاقب بالأشغال الشاقة المؤبدة , أو المؤقتة " ( يعني لو برضها يبقا كدا هو ماشي فـ السليم )
المشكلة الأكبر في أننا بنسكت .. واللي يقول أنا مالي .. بره عني .. كبر دماغك ياعم هى ناقصة مشاكل ..!!
شىء عجيب فعلاً .. !!
الفيلم ده أهداء للجميع ياريت كلنا نشوفه
. . . .
.
.
مساء الفل .. إيه يا كابتن مش عايز حاجه ؟!
حاجه ! .. حاجه زي إيه ؟؟
أبتريل .. فراولة .. أي بلابيع !!
وانا باين عليا أني بتعاطي حاجه من دي .. لا عادي بس كله بيبلبع دلوقتي !!
أخواننا في وزارة الداخلية .. عاملين شغل جامد ما شاء الله ..
منعوا المكيفات" حشيش " .. وتركوا البلابيع " البرشام " !!
فياترى .. أنهو أخطر الحشيش .. ولا البرشام ؟ !
هما الأتنين زفت .. أنا عارف .. بس نفترض سوء الظن ..
أن البرشام خطره أكبر من الحشيش .. عشان اللامبالاه اللي بقا فيها الشباب حالياً
هنقول إيه أعمل عبيط وعيش سلطان زمانك " لا مبالاه "
" اعمل عبيط تشعر فعلاً أن مصر جنة وهى بالفعل جنة العبيط "
. . . .
.
.
حتي العلاج بقا فيه رشوة !
دلوقتي عشان واحد رايح يتعالج في مستشفي حكومي لازم يدفع !
طبعا وزي ما بتدفع بتكون قيمتك كأنسان .. فوت عشان تدخل .. مدفعتش مش هتتعالج !
أو هتستني الدور اللي مش هيجي عليك أصلاً
عيني ع الرشوة :) صاحبة المعجزات في هذا الزمان
فكروني بمثل زمان كان بيتقال " إرشوا تشفوا " .. وعجبي !
. . . .
.
.
أحد الأخوة الأعداء اليوم من الملحدين ..
يقول لي أن أكثر العلماء ملحدين !!
فهل العلماء يتحدثون بالطريقة بنت الـ ... اللي بتحصل ع الفيس بوك ؟
بيقولي من حق أي إنسان أن ينتقد أي دين لا يراه صحيحاً !!
نفسي أفهم أنهو ابن كلب عطاله الحق ينتقد عمال على بطال !
وعموماً يا سيدي .. إذا أردت أن تنتقد فـ أنتقد " بأدب وسبب "
طبعاً مع وجود علم .. وإلا هتبقا أنت والحمار واحد :D:D
وفـ الآخر تروح تنتحر .. وتنزل في صفحة الحوادث تحت عنوان
" أنــتــحــار حمــــار "
. . . .
.
.
تصبحوا .. علي بلد جميلة من غير مشاكل
وأنت من أهل هذا البلد الأمين ..
