ليس لها عنوان ..

أتعودت ديما أني لا أصطنع الكتابه  فكل ما أكتبه  أشعر به .. لذلك الكلام يكون من القلب .. 

بحس ديما أننا أتخلقنا في الدنيا عشان نتعذب وخلاص .. يا نطلع لسابع سما .. أو ننزل لسابع أرض .. !

وديما الفرص لا تأتي  إلا في الوقت الضائع .. التي لا تنفعك فيه .. 

فكل ما نريده لا يتحقق ..  والمشكله أننا لا نفهم السبب .. 

نقول يمين .. تلاقي الدنيا مودياك للشمال !! .

تحب حاجه .. تفقدها . .  تكره حاجه تلقيها بتقربلك :( 

مش عارف السبب فينا .. ولا في العصر اللي أحنا عايشين فيه؟؟ .. 

تتربي  كويس جدا .. تلاقي نفسك بتتعامل مع أقل أخلاق في الحياة .. 

متعودتش يضحك عليا .. ومش بعرف أسكت  .. 

لو ليا حق عند حد .. بخده وبدون ما أقول أي أعذار .. 

ألاقي البعض بيزعل .. طيب هو انا لازم أقول أعذار عشان أخد حقي !! 

هو انا اللي غلط ولا اللي بيزعلوا مني .. 

بالمعني الصريح بقول للأعور أنت أعور في عينه :( 

مش عارف أنا واحد أعور هروح أتغزل في جمال عيونه .. 

أنا فعلا أتخنقت من نفسي .. ومن التعامل مع الناس .. 

نفسي فعلا أعيش في صحراء ..  

عايز أعرف انا في الدنيا دي ليه ؟؟ 

واحد هيقولي " وما خلقت الجن والإنس إلا ليعبدون "  

لو القصد العباده .. هيبقا بنشرب وناكل ونشتغل ونتكاثر ونموت ليه .. :( 

كنا جينا الدنيا بشكل واحد علي هيئة واحده وعلي برمجه واحده .. اللي هيا العباده وخلاص 

بجسم صمد .. ! 

واحد تاني هيرد عليا 

(لو لم تذنبوا لذهب الله بكم واتى بقوم اخرون ليذنبوا فيستغفرون الله فيغفر لهم) .

هو القصد العباده طيب بنذنب ليه .. ؟! 

طبعا بعض الكلام اللي قولته .. البعض هيقول لا يصدر إلا من متشكك .. 

أنا لست بمتشكك .. بس المشكله بفكر كتير في أحوال الدنيا .. 

أتنفخت في الدنيا .. والعيشه واللي عايشنها ..

أظْمَتْنِـــيَ الدُّنْيــا فَلَمَّــا جئْتُهــا, مُستَسِــقياً مَطَــرَتْ عَـلَيّ مَصائِب

إمضاء 

إنسان .. يتقلب بين ملاك و شيطان  

أتشبث بأقوال أجدادي وتجارب حاضري... عندها أتأكد من ... ضياع كلمة أنسان في قاموس حياتي اليومي !